विकास पहाड़ों मां घाम तापणु च।

विकास पहाड़ों मां घाम तापणु च
स्कूलो मा मास्टर नी
अस्पतालों मां डॉक्टर नी
आफिसों मां कर्मचारी नी
गांव मा गांववाला नी
गाड गधेरा मा पूल नी
पहाड़ मा नेटवर्क टावर नी
गांव तैं सड़क नी
डुकरी पुटडी मा फ़सल नी
खाणी कमाणी रोजी रोटी कु क्वी साधन नी
ग़रीब गुरबों तै स्वांग रचौणु
बाड्डा भि बोलणु क्वी काम धाण नी
घाम लग्यू घाम तापिल्या
घाम लग्यू तडताडा पौडिग्ये
मंत्री संत्री विधायक सांसद
क्वी गाली गलौज देणा त
क्वी घाम तापणा च
जनता बेसब्र ह्वे आस लगि च
हमारा अच्छा दिन नजदीक ऐग्ये
बारामास पढिया लिख्यानौज्वानो
मु क्वी काम धाण नी
घाम तापणा च
तरूणी ज्वानि जमानी
उत्तराखंड स्वाणी धरती हमारी
ज्वानी मां ही घाम तापणी च
बुड्ढदि धौ क्या ह्वेलि-लटियाली
तरूणी ज्वानि जमानी तैं देख गेल्याणी
फुड फुक तौ घाम तापणु कि छुई बात
खाण खमौण की क्वी तरकीब
खोज अग्ने बढौ अपडु हात
सरकारी बजट की बंदरबांट
आउटसोर्सिंगनौकरी सरकारी
नियुक्ति घाम तापणी च
ग़रीब गुरबों तै पांच किलो राशन देक
विकास पहाड़ों कु घाम तापणु च
बेरोजगारी यतका ह्वे पेपर लीक
करिक ज्वान सौजडिया घाम तापणा च………

गंगा शाह आशुकवि
संवाददाता पहाड़ दूरदर्शन